2011 წლის 15 მარტიდან სოციალური ქსელი Facebook, შესაძლოა, დაიხუროს.
ინფორმაციას ამის შესახებ ინტერნეტში ერთ-ერთი ბლოგერი სოციალური ქსელის
დამფუძნებლის მარკ ცუკერბერგის განცხადებაზე დაყრდნობით ავრცელებს. ცნობა
სოციალური ქსელის შესაძლო დახურვის შესახებ თავად Facebook-შიც გავრცელდა.
"Facebook
კონტროლს არ ექვემდებარება და ამ კომპანიის მართვამ ჩემი ცხოვრება
დაანგრია, ამ უგუნურებას ბოლო უნდა მოვუღო", - ბლოგერის ინფორმაციით, ეს
განცხადება მარკ ცუკერბერგმა პალო-პალტოს ოფისთან გააკეთა.
ცუკერბერგის
თქმით, 15 მარტიდან სოციალური ქსელის მომხმარებლებს აღარ შეეძლებათ
საკუთარი ანგარიშის მართვა. მისივე განმარტებით, ქსელის დახურვის შესახებ
გადაწყვეტილების მიღება რთული იყო. "მე არ ვფიქრობ, რომ ეს გრანდიოზული
ღონისძიებაა. სიმართლე გითხრათ, ეს უკეთესიც კი იქნება, Facebook-ის
დახურვის შემდეგ ხალხი იძულებული იქნება გარეთ გამოვიდეს და მეგობრები
რეალურად შეიძინოს, ეს კი ყოველთვის კარგია", - თქვა ცუკერბერგმა.
"15 მარტიდან მთელი ვებგვერდი იხურება", - ეს განცხადება Facebook-ის ტექნიკურ საქმეთა ვიცე-პრეზიდენტმა ავრეტ ჰუმარტიმ გააკეთა.
"თუ გსურთ, ოდესმე მაინც ნახოთ თქვენი ფოტოები, გირჩევთ ისინი ინტერნეტიდან გადმოწეროთ და შეინახოთ", - დაამატა ჰუმარტიმ.
ბლოგერის
ინფორმაციით, ცუკერბერგი მიღებული გადაწყვეტილების შეცვლას, მომხმარებელთა
და ფინანსიტების უკმაყოფილების მიუხედავად, არ აპირებს.
"მე ფულზე არ ვზრუნავ. უბრალოდ ძველი ცხოვრების დაბრუნება მინდა", - განაცხადა ცუკერბერგმა.
2011 წლის 15 მარტიდან სოციალური ქსელი Facebook, შესაძლოა, დაიხუროს.
ინფორმაციას ამის შესახებ ინტერნეტში ერთ-ერთი ბლოგერი სოციალური ქსელის
დამფუძნებლის მარკ ცუკერბერგის განცხადებაზე დაყრდნობით ავრცელებს. ცნობა
სოციალური ქსელის შესაძლო დახურვის შესახებ თავად Facebook-შიც გავრცელდა.
