მთავარი » 2011 » თებერვალი » 9 » გიორგი ყიფიანი: “კლუბის ხელმძღვანელობასთან სამომავლო გეგმებზე ვერ შევთანხმდით”
19:52
გიორგი ყიფიანი: “კლუბის ხელმძღვანელობასთან სამომავლო გეგმებზე ვერ შევთანხმდით”
ბოლნისის "სიონის” ყოფილი მთავარი მწვრთნელის, გიორგი ყიფიანის
განცხადებით, თანამდებობიდან მისი წასვლის მიზეზი, კლუბის
ხელმძღვანელობასთან სამომავლო გეგმებზე შეუთანხმებლობა იყო. "რაღაც
მიზეზები იყო. კლუბის ხელმძღვანელობასთან სამომავლო გეგმებზე ვერ
შევთანხმდით. მე ჩემი გეზი მქონდა აღებული, მათ თავისი მოსაზრებები
გააჩნდათ. რაღაც დათმობაზე მე წავედი, რაღაცაზე - ისინი. თუმცა, საბოლოო
ჯამში, ვერ შევეწყვეთ და გადავწყვიტე, გადავმდგარიყავი, რადგან "სიონში”
ჩემი მუშაობა ნაყოფიერი არ იქნებოდა. საფეხბურთო ცხოვრებაში მსგავსი რამ
მიღებულია. ამიტომ, ჩავთვალე, რომ უმჯობესი იქნებოდა სხვას ემუშავა.
სამომავლოდ, იმ კლუბში ვაპირებ მუშაობას, სადაც ჩემს მოსაზრებებს
გაიზიარებენ. მინდა წარმატება ვუსურვო "სიონს”. ვთვლი, რომ ეს გუნდი
მაღალი მიზნებისთვის ბრძოლას იმსახურებს” – განაცხადა ყიფიანმა "მსოფლიო
სპორტთან” საუბარში. ბოლნისელთა ექს-თავკაცმა აღნიშნა, რომ სამწვრთნელო
საქმიანობის გაგრძელებას აპირებს და A კატეგორიის სამწვრთნელო ლიცენზიის
აღებაც სურს: "მწვრთნელად მუშაობას მომავალშიც ვაპირებ. ეს დრო
სწავლისთვის მინდა გამოვიყენო და A ლიცენზია ავიღო. ცოტა ხნის წინ,
ისრაელში რომ ვიმყოფებოდი, თელ-ავივის "ჰაპოელის” ვარჯიშებს დავესწარი.
მყავს სამეგობრო წრე, რომელთა დახმარებით, ასეთი შესაძლებლობა მომავალშიც
მექნება. სავარაუდოდ, მაისში ჩატარდება სემინარები, რომლებსაც გავივლი A
ლიცენზიის მისაღებად”. 32 წლის ყიფიანი, "სიონს” სათავეში გასული წლის
ზაფხულში ჩაუდგა და მისი ხელმძღვანელობით, გუნდმა ეროვნული ჩემპიონატის
პირველი ნახევარი მე-7 ადგილზე დაასრულა. სეზონის განახლებისთვის გუნდს
სწორედ ის ამზადებდა, მაგრამ ბოლნისელების ურეკში შეკრებაზე
გამგზავრებამდე, მან თანამდებოდა დატოვა და ქვემოქართლელებს სათავეში
გიორგი ყიფშიძე ჩაუდგა.
ბოლნისის "სიონის” ყოფილი მთავარი მწვრთნელის, გიორგი ყიფიანის
განცხადებით, თანამდებობიდან მისი წასვლის მიზეზი, კლუბის
ხელმძღვანელობასთან სამომავლო გეგმებზე შეუთანხმებლობა იყო.
