იკერ კასილასმა და კრიშტიანო რონალდუმ გაგვიზიარეს თავიანთი შთაბეჭდილებები ნახევარფინალურ მატჩზე ”ბარსელონას” წინააღმდეგ და ჩემპიონთა ლიგიდან ”რეალის” გამოვარდნაზე.

კასილასი:

”ჩვენ ძალიან ვცდილობდით და არამგონია, რომ თანაბარი ბრძოლის პირობებში ”ბარსელონა” შესძლებდა ჩვენს დამარცხებას. სიმართლე რომ ვთქვა, ძალაუნებურად მახსენდება პირველი შეხვედრა, ჩვენ იქ კაცნაკლულნი რომ არ დავრჩენილიყავით, შევძლებდით მატჩის მინიმუმ ფრედ დამთავრებას, ხოლო ანგარიშით, რომელიც დღეს დაფიქსირდა ფინალში ჩვენ გავიდოდით.”

”არ ვაპირებთ ჩივილს, პრაქტიკამ უკვე დაგვანახა, რომ ჩვენი სიტყვები ჩვენსავე საწინააღმდეგოდ შეიძლება იყოს გამოყენებული. ყველას აქვს საშუალება გამეორებების ხილვისა და საკუთარი მოსაზრების გამოტანის. ნათელია, რომ ჩვენ ჩემპიონთა ლიგას ვტოვებთ მაღლა აწეული თავებით, რადგან ჩვენ დავიცავით გუნდის ღირსება. ხოლო რაც შეეხება იგუაინის გოლს, ეს არის კიდევ ერთი პუნქტი დიდ სიაში. ყველაფერი მოხდა ისე როგორც ხდება ჩვეულებრივ.”

რონალდუ:

”გუნდი ძალიან განაწყენებულია, მაგრამ ჩვენ ვიცოდით, რომ გველოდა ძნელი დაპირისპირება. ამ თამაშს შეიძლება დავარქვათ - ”შეუსრულებელი მისია 4”. კიდევ ერთხელ მსაჯმა შეგვიშალა ხელი ჩვენ თვითონ გადაგვეწყვიტა თამაშის ბედი. ჩვენ გვჯეროდა, რომ შეგვეძლო დაგვემარცხებინა ”ბარსა”, მაგრამ ამაში ხელი მსაჯმა შეგვიშალა. იგუაინმა გოლი ყველა წესის დაცვით გაიტანა. პიკესთან შეჯახების შემდეგ მე წავიქეცი და დავეჯახე მასკერანოს. ინგლისში მასკერანო არასდროს აძლევდა თავს მოედანზე კოტრიალის უფლებას, მაგრამ აქ მან და ასევე სხვა კატალონიელმა ფეხბურთელებმა ეს ცუდი ჩვევა აითვისეს.”

”პირველი შეხვედრის არბიტრმა წაგვართვა ჩვენ ფინალში თამაშის უფლება. ვისაც ცოტათი მაინც ესმის ფეხბურთი მიხვდება, რომ ”ბარსელონას” ეხმარებოდნენ. რაღაც უნდა მომხდარიყო და ჩვენ ეს ვიცოდით. ნათელი იყო რომ თუკი ერთ გოლს გავიტანდით ყველა შეგვიშლიდა ჩვენ ხელს მეორე გოლის გატანაში. ეს ძალიან ცუდია ფეხბურთისთვის. თუ ეს სიტუაცია არ შეიცვლება ჩვენ არ გავალთ მოედანზე და ”ბარსელონას” მოუწევს მოწინააღმდეგის გარეშე თამაში.”

”ბარსას” აქვს დიდი ძალაუფლება მოედნის გარეთ. პირველი შეხვედრა შეიძლება დასრულებულიყო ანგარიში 0-0, რომ არა ალვეშის ინციდენტი ფინალში გასვლას ჩვენ ვიზეიმებდით. ამ ოთხმა ”ელ კლასიკომ” დაგვანახა, რომ ”რეალი” და ”ბარსა” ერთნაირი დონის გუნდები არიან. სამართლიან თამაშში ჩვენ მოვიპოვეთ გამარჯვება და სამეფო თასი. მე არ ვგრძნობ ”ბარსელონას” სიძლიერეს ჩვენთან შედარებით, მათი ერთადერთი უპირატესობა ისაა რომ მსაჯები ეხმარებიან მათ.”