დღესდღეობით საქართველოში ინგლისური ენის მასობრივი პროპაგანდა მიმდინარეობს. მე არანაირი წინააღმდეგი ვარ ინგლისურის მაგრამ !!!
მაგრამ ის რომ ქართულ ენას ფასი ეკარგება. რატომ უნდა ვაბარო ინგლისურად
გამოცდები, რატომ უნდა ვუყურო ფილმებს ინგლისურად, რატომ უნდა ასწავლიდნენ
პირველივე კლასიდან ინგლისურს, რატომ უნდა იყოს მთელს ქალაქში ინგლისურად
წარწერები?! ქართულ ენა ამ ყველაფრის შემდეგ უფასურდება, ეს კი
ქართველობასთან პირდაპირ კავშირშია. ბევრისთვის შეიძლება სასაცილოც იყოს
რასაც ვწერ, მაგრამ მე სხვაგვარად ვფიქრობ! იგივე მასწავლებლების
ჩამოყვანა უცხოეთიდან. დამეთანხმებით რომ საქართველოშიც ბევრი ინგლისურის
სპეციალისტი გვყავს და თავისუფლად შეიძლებოდა მათი დასაქმება, მაგრამ
ქართველები არიან და სხვა ტრადიციებს ვერ დანერგავენ უცხოელებისგან
განსხვავებით. მე თუ არასწორს ვლაპარაკობ მაშინ პატრიარქის ქადაგების
ციტირებას მოვახდენ და თქვენ გამოიტანეთ საკუთარი აზრი..!
პატრიარქმა ქართველ ხალხს ქართული ენის დაცვისკენ მოუწოდა
13:29 10.10.2010
სრულიად საქართველოს კათოლიკოს- პატრიარქი, უწმინდესი და უნეტარესი ილია მეორე ქართველ ხლხს ქართული ენის დაცვისკენ მოუწოდებს.
ქართული ენის მნიშვნელობაზე პატრიარქმა დღეს, საკვირაო ქადაგების
დასრულებისას ისაუბრა. "მინდა ვისაუბრო იმ ფასეულობებზე, რომელიც უნდა
შევინახოთ. უპირველეს ყოვლისა ეს არის მართლმადიდებლური სარწმუნოება,
ქართული ენა, კულტურა, ლიტერატურა, პოეზია”,-აღნიშნა უწმინდესმა.
პატრიარქის განცხადებით, ქართული ენა უძველესი, უტკბილესი, განსაკუთრებული
მადლით მოცული ენაა. მისი შეფასებით, ქართული ენა განსაკუთრებით მდიდარია
ფილოსოფიური ტერმინებით.
"არიან ადამიანები, რომლებიც ამბობენ, რომ
არსებობს ქართველური ენები. არსებობს მხოლოდ ერთი ქართული ენა და არსებობს
მხოლოდ მისი განშტოებები – მეგრული, მესხური, სვანური და ა.შ. ჩვენ უნდა
გავუფრთხილდეთ ჩვენს ენას”, – ბრძანა უწმინდესმა.
პატრიარქის განცხადებით, წინასწარმეტყველების მიხედვით, მეორედ მოსვლის
ჟამს განკითხვა სწორედ ქართული ენით მოხდება. "უკანასკნელ ჟამს კაცობრიობა
დაკარგავს სარწმუნოებას, ჩაფლული იქნება ცოდვაში, ქართველი ადამიანი კი,
შეინახავს თავის სარწმუნოებას და სწორედ ამის გამო განკითხვა მოხდება
ქართული ენით”,-აღნიშნა ილია მეორემ.
უწმინდესის განცხადებით, ყველა ქართველმა უნდა იცოდეს სამივე დამწერლობა,
ასომთავრული, ნუსხა-ხუცური და მხედრული. პატრიარქს მიაჩნია, რომ
სახელმწიფო დაწესებულებებზე, ასევე სხვადასხვა ორგანიზაციებზე, მათი
სახელწოდებები სამივე დამწერლობით უნდა იყოს გაკეთებული.
წყარო
და ბოლოს ჩემი თხოვნა იქნება ეს სიტყვები გაავრცელოთ. ვისაც ქართულ ენაზე,
კულტურაზე და საქართველოზე პატარათი გული მაინც შეგტკივათ. დადეთ
სხვადასხვა ფორუმებზე და გავაგებინოთ ყველას, თორე ჩვენი საქმე მართლა
ცუდად იქნება !!!
