ნიჟნი ნოვგოროდის "ვოლგას” პრეზიდენტის, ალექსეი გოიხმანის განცხადებით,
საქართველო ეროვნული ნაკრების მცველი, ლაშა სალუქვაძე ახალ გუნდში ორჯერ
ნაკლებ ხელფასს მიიღებს, ვიდრე ყაზანის "რუბინში”. "სალუქვაძე
"ვოლგაში” უკვე რამდენიმე დღეა ვარჯიშობს. ჩვენ პირადი კონტრაქტის
პირობები შევათანხმეთ. შემიძლია გითხრათ, რომ "რუბინთან” შედარებით,
რომელსაც ფეხბურთელი კეთილსინდისიერად რამდენიმე წელი ემსახურა, "ვოლგაში”
მისი ხელფასი ორჯერ ნაკლები იქნება. სალუქვაძესთან საუბარში დავასკვენი,
რომ ძალიან სურს ქალაქისა და გუნდის შეცვლა. მეტიც, მან თავად გამოთქვა
ჩვენს გუნდში თამაშის სურვილი, რაც ძალიან მნიშვნელოვანი ფაქტორია.
"რუბინი” და "ვოლგა” ერთმანეთისგან შორიახლოს ვარჯიშობენ. სალუქვაძემ
ჩვენს ფეხბურთელებთან საერთო ენა მალე გამონახა. ცოტა ხნის შემდეგ,
დავინახეთ, რომ სულითა და გულით "ვოლგასთანაა”. ჩვენ "რუბინთან”
მოლაპარაკების პროცესი დავიწყეთ. სალუქვაძის ტრანსფერთან დაკავშირებით,
ჩვენი პოზიციები ერთმანეთს უახლოვდება” – იუწყება გოიხმანის სიტყვებს
რუსული გამოცემა "სპორტ-ექსპრესი”.
ნიჟნი ნოვგოროდის "ვოლგას” პრეზიდენტის, ალექსეი გოიხმანის განცხადებით,
საქართველო ეროვნული ნაკრების მცველი, ლაშა სალუქვაძე ახალ გუნდში ორჯერ
ნაკლებ ხელფასს მიიღებს, ვიდრე ყაზანის "რუბინში”.
