ურეკში, საწვრთნელ შეკრებაზე მყოფმა ბოლნისის "სიონმა” მორიგი საკონტროლო
მატჩი გამართა. გიორგი ყიფშიძის გაწვრთნილებს, ამჯერად "სამტრედია”
დაუპირისპირდა. "სიონმა” მეტოქეს გიორგი თარგამაძის (მე-14 წთ), ლაშა
ვაშაკიძისა (მე-60 წთ) და ლაშა ნოზაძის (75-ე წთ) ზუსტი დარტყმების
წყალობით 3:0 მოუგო. ბოლნისელებმა ორივე ტაიმში განსხვავებული
შემადგენლობებით ითამაშეს. ერთადერთი, ვისაც მინდვრიდან გამოსვლა არ
მოუწია, "სიონის” კიპერი მინდია ბობღიაშვილი გახლდათ. "სიონი” - I
ტაიმი: ბობღიაშვილი, კობაური, გ. ოქროპირიძე, თარგამაძე, ლ. ჩხეტიანი,
დიდავა, გოგობერიშვილი, ნოზაძე, ჩირიკაშვილი, ისიანი, მ. ოქროპირიძე; შეცვლაზე
შევიდნენ: გ. მელქაძე, კ. ჩხეტიანი, ქორიძე, ადამაშვილი, კვანტალიანი,
ვაშაკიძე, ალფაიძე, ქუნთელია, რეხვიაშვილი, ჭუმბურიძე, ქუხილავა. როგორც
ბოლნისური კლუბის პრეს-ატაშე ჯემალ ჭიპაშვილმა "მსოფლიო სპორტს”
განუცხადა, ზღვისპირა შეკრებაზე "სიონი” 1 თებერვლის ჩათვლით დარჩება. ამ
დღეს, ყიფშიძის შეგირდები ერევნის "ულისს” ესპარინგებიან. მანამდე კი,
ქვემოქართლელებს კიდევ 2 მატჩის ჩატარება აქვთ გეგმაში. 27 იანვარს,
პირველი ლიგის ბინადარ ლანჩხუთის "გურიასთან” მატჩი გადაწყვეტილი ამბავია.
კობა ჟორჟიკაშვილის გაწვრთნილ 17-წლამდელთა ნაკრებთან კი, რომელიც ევროპის
ჩემპიონატის ელიტ-რაუნდისთვის მზადებას გადის, თარიღია (28 ან 29 იანვარი)
შესათანხმებელი.
ურეკში, საწვრთნელ შეკრებაზე მყოფმა ბოლნისის "სიონმა” მორიგი საკონტროლო
მატჩი გამართა. გიორგი ყიფშიძის გაწვრთნილებს, ამჯერად "სამტრედია”
დაუპირისპირდა. "სიონმა” მეტოქეს გიორგი თარგამაძის (მე-14 წთ), ლაშა
ვაშაკიძისა (მე-60 წთ) და ლაშა ნოზაძის (75-ე წთ) ზუსტი დარტყმების
წყალობით 3:0 მოუგო.
