თურქულ შეკრებაზე მყოფი ქუთაისის "ტორპედო”, თავდაპირველად დაგეგმილი
უკრაინის პირველლიგელი "ალექსანდრიის” ნაცვლად, 25 იანვარს, რუმინეთის
"უნივერსიტატეა კლუჟს” ეთამაშა. იმერელთა პირველი ანთალიური მეტოქე,
ქუთაისელთა მსგავსად, შარშან დაუბრუნდა მისი ქვეყნის უმაღლეს ლიგას.
კლუჟნაპოკური გუნდი 18 ტურის შემდეგ, 20 ქულით მე-14 ადგილზე იმყოფება და
გასავარდნ ზონასთან ახლოსაა. მატჩის დაწყებიდან 1 წუთიც არ იყო გასული,
რომ მარჯვენა ფლანგიდან გრიგოლ დოლიძის ჩაწოდებულს, მეკარის საჯარიმოში
მყოფმა ბოგდან ბუგუშმა ფეხი დაუხვედრა და ქართველები ავტოგოლით დააწინაურა
- 1:0. პირველი ტაიმის ბოლო წუთზე, რუმინელთა ესპანელმა ლეგიონერმა,
რობერტ დელგადომ გიორგი სეთურიძეს აჯობა ორთაბრძოლაში და ანგარიში
გაათანაბრა - 1:1. 47-ე წუთზე, ანდრეი ვოიკანმა, გამოსვლაზე უხეიროდ
მოთამაშე მაქსიმე ქვილითაიას შეცდომით ისარგებლა და თავით, ბურთი ცარიელ
კარში გაგზავნა - 1:2. მატჩის დასასრულამდე ათიოდე წუთით ადრე, უკვე
ქართველმა ფეხბურთელმა ისარგებლა რუმინელი კიპერის შეცდომით. მარცხენა
ფლანგიდან მისი გუნდის შეტევაში ჩართული თენგიზ ჩიკვილაძის დარტყმულ
ბურთს, მეტოქის მეკარემ მოგერიების ნაცვლად, ხელში დაჭერა მოუნდომა - 2:2. მატჩის
ბოლო წუთებზე არბიტრი ცოტა არ იყოს უცნაურად მოიქცა. მან ქუთაისელი მერაბ
გიგაური, სრულიად "უწყინარ” ეპიზოდებში, ერთწუთიანი ინტერვალით, ორჯერ
გააფრთხილა და მინდორი ვადაზე ადრე დაატოვებინა. "ტორპედო” რიცხობრივ
უმცირესობაშიც შეეცადა ანგარიშში დაწინაურებას და როცა ლაშა კემუხტაშვილი
ეფექტური დარტყმით ასრულებდა გივი ჩხეტიანის ფლანგურ ჩაწოდებას, ახლოსაც
იყო მატჩის ეფექტურ დასასრულთან - ბურთი ძელმა მოიგერია. ამრიგად,
"ტორპედოს” პირველი სპარინგი 2:2 დასრულდა. 27 იანვარს, ქუთაისელთა მეტოქე
კვლავ რუმინული გუნდი იქნება. მედიაშის "გაზ მეთანი” მიმდინარე
ჩემპიონატში 30 ქულით, მე-5 ადგილზეა და იმითაცაა ჩვენთვის საყურადღებო,
რომ მის ღირსებას ქართველი მცველი, აკაკი ხუბუტია იცავს. რაც შეეხება "უნივერსიტატეა კლუჟთან” მატჩს, იგი გია გიგატაძის შეგირდებმა ასეთი შემადგენლობით ითამაშეს: "ტორპედო”:
ქვილითაია, მაისურაძე (დ. კირკიტაძე, 60), სეთურიძე, ფარულავა,
მაჭავარიანი, ჩიკვილაძე, დოლიძე (ბაკურაძე, 62), დიღმელაშვილი, ქებაძე (მ.
გიგაური, 67, გ. ჩხეტიანი, 84), გოცირიძე (გუგუჩია, 75), საბანაძე
(კემუხტაშვილი, 48).
თურქულ შეკრებაზე მყოფი ქუთაისის "ტორპედო”, თავდაპირველად დაგეგმილი
უკრაინის პირველლიგელი "ალექსანდრიის” ნაცვლად, 25 იანვარს, რუმინეთის
"უნივერსიტატეა კლუჟს” ეთამაშა. იმერელთა პირველი ანთალიური მეტოქე,
ქუთაისელთა მსგავსად, შარშან დაუბრუნდა მისი ქვეყნის უმაღლეს ლიგას.
კლუჟნაპოკური გუნდი 18 ტურის შემდეგ, 20 ქულით მე-14 ადგილზე იმყოფება და
გასავარდნ ზონასთან ახლოსაა.
