თურქულ შეკრებაზე მყოფი ქუთაისის "ტორპედოს” გეგმებში ცვლილებებია. უფრო სწორად, შეიცვალა იმ გუნდების ვინაობა, რომლებსაც გია გიგატაძის გაწვრთნილები ანთალიაში გაეჯიბრებიან. ქუთათურთა ოფიციალური ვებ-გვერდის ცნობით, იმერლები პირველ მატჩს 25 იანვარს უკრაინის პირველლიგელ "ალექსანდრიასთან” გამართავენ. შეკრების დანარჩენი სპარინგ-მატჩების განრიგი კი ასეთია: 27 იანვარი - "ასკ-ენერგია” (ხაბაროვსკი, რუსეთი), 29 იანვარი - "გაზ მეთანი” (რუმინეთი), 31 იანვარი - "ვარაჟდინი” (ყოფილი "ვარტექსი”, ხორვატია), 2 თებერვალი - "შორტანი” (უზბეკეთი).
თურქულ შეკრებაზე მყოფი ქუთაისის "ტორპედოს” 
